Vdekja e Albright, Osmani: E tronditur thellësisht nga humbja e mikes së madhe të Kosovës

20:10 | 23 Mars 2022
L G

Presidentja Vjosa Osmani ka shkruar pas vdekjes së ish-Sekretares amerikane të Shtetit, Madeleine Albright, duke thënë se e përkrahi parreshtur Kosovën deri në frymën e fundit.

“E tronditur thellësisht nga humbja e mikes së madhe të Kosovës, Madeleine Albright, ish- sekretare e Shtetit të SHBA-ve. Ajo na dha shpresë, kur nuk e kishim atë, u bë zëri ynë e krahu ynë kur nuk kishim as zë e as krah. E njohu dhimbjen e popullin tonë sepse edhe vet e kishte përjetuar persekutimin qysh në fëmijëri, prandaj qëndroi e vendosur kundër Millosheviqit deri në ndaljen e gjenocidit të tij në Kosovë”, shkruan Osmani në  në Facebook.

Sipas Osmanit, Albright e përkrahi Kosovën deri në frymën e  fundit.

“E përkrahi parreshtur Kosovën deri në frymën e fundit, prandaj populli i Kosovës do ta kujtojë përjetësisht”, përfundoi Osmani.

Albright, e cila luajti rol kyç në ndërhyrjen e NATO-s në luftën e viteve 1998-99 në Kosovë, vdiq sot, pasi vuante nga kanceri./arbresh.info/

LEXO EDHE

LAJMI I FUNDIT/Vdiq ish-sekretarja amerikane e Shtetit, Madeleine Albright – Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm